101 Feesnaweek

Hierdie jaar vier die Fakulteit Regsgeleerdheid 101 jaar met ‘n spesiale Eeufees-reünie-naweek wat propvol aktiwiteite is om te verseker dat u – ons alumni – hierdie belangrike geleentheid saam met ons kan vier.

Die Ou Hoofgebou is oorspronklik in 1886 as die hoofgebou van die Victoria Kollege ingewy. Die Fakulteit Regsgeleerdheid is in 1921 gestig en bly die intellektuele tuiste van baie regters, advokate, prokureurs, groot nyweraars, sakeleiers, politici en akademici.

Ons nooi u uit om terug te keer na u intellektuele tuiste en terug te dink aan u studentedae, deel te neem aan besprekings oor aktuele kwessies en te luister na vooraanstaande sprekers. U deelname sal die Fakulteit Regsgeleerdheid se strewe bevorder om op die voorpunt van regsontwikkelings te bly, terwyl goeie verhoudings met, en tussen, ons alumni gehandhaaf word.

Van die geleenthede waarna uitgesien kan word sluit in Silwer (25 jaar) en Goud (50 jaar) reünie-aktiwiteite (met verwysing na 2021 en 2022), dekade reünie-geleenthede, ‘n openbare lesing en boekbekendstelling, gevolg deur ‘n Stadsaaldinee wat die feestelikhede afsluit. Klik hier vir die gedetailleerde uiteensetting van gebeure.

RSVP: Stuur ‘n e-pos na alumni@sun.ac.za om u plek te bespreek.

Ons daarna uit om u terug te verwelkom by u Fakulteit.