Vanjaar, met al sy onsekerheid, inperkings en veilige afstandhouding, het ons met die volgende blink plan vorendag laat kom – ‘n heerlike sosiale blaaskans vir Maties vanuit die streek. Ons het vroeër vanjaar ‘n suksesvolle geleentheid aangebied en ons sien weer eens daarna uit om jou in styl te trakteer. Die Gansbaai Maties Alumni-tak nooi dus alle Maties regoor die Overberg vir ‘n aandjie in hierdie pragtige deel van die wêreld.
As ‘n spesiale gas van Lomond-wynlandgoed is ons opgewonde oor alumni-wynmaker, Hannes Meyer, wat ‘n verskeidenheid unieke wyne van die hange van die Ben Lomond-berg in die Uilenkraalvallei en omgewing sal bekendstel (of weer bekendstel!).
Ons verwag lewendige, prikkelende gesprekke, en opwindende netwerkgeleenthede. Ons sal baie graag wil hê dat jy by ons aansluit!
Die besonderhede vir die geleentheid is as volg:
Datum: Donderdag 2 Desember 2021
Tyd: 18:00
Plek: Lomond Wynlandgoed, Gansbaai
Koste: R100 – betalingsbesonderhede word deurgestuur sodra ons jou RSVP ontvang.
Klik asseblief hier of stuur ʼn e-pos na alumnihubs@sun.ac.za om teen Woensdag 24 November te RSVP.
Sluit gerus aan by die Gansbaai Maties WhatsApp-groep of kontak Asanti Smit (0829728437) as jy belangstel om meer betrokke te raak.
Ons sien uit daarna om jou te verwelkom.
