Aanlyn met Joshua Romisher

Groete vanaf Stellenbosch.

Dit is voorwaar ongekende tye en die onderskeie lande se inperkings as gevolg van die COVID-19-pandemie het daartoe gelei dat ons almal moes besin oor hoe ons saam as Maties en vriende van die Universiteit Stellenbosch (US) vorentoe kan beweeg.

Ons persoonlike geleenthede wat vir Noord-Amerika geskeduleer is, is vir die res van 2020 ingekort, maar ons is verheug om jou na ‘n aanlyn webinar te nooi. Ons wil graag kontak met jou behou, al is dit ook in die digitale spasie, want jy het die US help vorm en sy reputasie as ‘n wêreldklas- akademiese instelling help vestig.

Die Afdeling Ontwikkeling en Alumni-betrekkinge, in samewerking met die Universiteit Stellenbosch LaunchLab, nooi jou dus om deel te neem aan ‘n webinar getiteld: ‘Entrepreneurial Mindsets for the New Normal: How we can use entrepreneurial techniques to thrive in the new post COVID-19 world order’.

Hierdie webinar word gelei deur Joshua Romisher, die hoof uitvoerende beampte van die LaunchLab. Prof Wim De Villiers, Rektor en Visekanselier van die US, sal op sy beurt vertel hoe die Universiteit die COVID-19 uitdagings aanspreek.

Datum: Maandag 29 Junie 2020
Tyd: 09:00 (PST); 12:00 (EST); 18:00 (SAST)
RSVP: Klik hier om te RSVP.

Klik hier om die sessie via Microsoft Teams by te woon.

Sprekers: Joshua Romisher, hoof uitvoerende beampte, LaunchLab en Prof Wim de Villiers, US- Rektor en Visekanselier

Rig enige navrae oor hierdie geleentheid aan Randall Adams by adamsr@sun.a.za.

Ons sien uit daarna om jou aanlyn te verwelkom!