Ons pak 2022 met hernude energie aan, die belofte om terug te keer na ‘n mate van normaliteit en glo dat die tyd om byeen te kom uiteindelik op hande is. Ons is verheug om jou uit te nooi na die bekendstelling van ons Oos-Londen Alumni-tak.
Sluit by ons aan en geniet gevolglik ‘n ontspanne aand waar Maties van alle vlakke van die samelewing byeen kom om met ander te netwerk en destydse en onlangse Maties-herinneringe op te roep. Gesels gaan daar beslis wees – tesame met verversings, die buitelug, ‘n somerson, musiek en kwinkslae.
Die besonderhede is as volg:
Datum: Dinsdag 22 Februarie 2022
Tyd: 18:00
Plek: Grazia Fine Food and Wine
Koste: Kontantkroeg beskikbaar
RSVP: Stuur ‘n e-pos aan alumnihubs@sun.ac.za teen Donderdag 17 Februarie om te RSVP.
Deel gerus hierdie uitnodiging met jou mede-Maties. Ons sien daarna uit om tyd saam met jou deur te bring.
