Ons nooi u graag na die vyfde jaarlikse Anton Lubowski-gedenklesing ter viering van die lewe van die anti-apartheid aktivis en advokaat, Anton Theodor Eberhard August Lubowski (3 Februarie 1952 – 12 September 1989).Hierdie gedenklesing word aangebied deur die Universiteit Stellenbosch se Afdeling Ontwikkeling en Alumnibetrekkinge, in samewerking met die Fakulteit Regsgeleerdheid en Simonsberg-koshuis.Vanjaar se lesing word aanlyn en in-persoon aangebied.Sluit gerus aan by ons sprekers, Zackie Achmat, mededirekteur van die NRO Ndifuna Ukwazi (Dare to Know), en medestigter van die Treatment Action Campaign, en dr Imtiaz Sooliman, stigter van die Gift of the Givers-stigting, wat die vestiging van ‘n beweging vir sosiale impak en verandering sal bespreek.Die gespreksleier is Max du Preez, redakteur van die Vrye Weekblad, skrywer, kommentator en vriend van wyle Anton Lubowski.Meer oor ons sprekers:Abdurrazack “Zackie” Achmat is ‘n Suid-Afrikaanse aktivis en filmregisseur. Hy is medestigter van die Treatment Action Campaign en is wêreldwyd bekend vir sy voorspraak namens individue met MIV en VIGS in Suid-Afrika. Tans dien hy as ‘n raadslid en mededirekteur van Ndifuna Ukwazi (Dare to Know), ‘n organisasie wat daarop toegespits is om sosiale geregtigheidsorganisasies en leiers te ondersteun. Daarbenewens beklee hy die posisie van voorsitter by Equal Education.Dr Imtiaz Sooliman is ‘n Suid-Afrikaanse mediese dokter en filantroop. Hy het sy loopbaan as ‘n mediese dokter prysgegee om die veld van humanitêre hulp na te jaag en het die Gift of the Givers-stigting begin. Die Gift of the Givers-stigting is die grootste rampreaksie nie-regeringsorganisasie op die vasteland wat sy oorsprong in Afrika het. Hy is die stigter en voorsitter.Plek: Simonsberg-koshuis EN Aanlyn (Microsoft Teams)Datum: Woensdag 27 September 2023Tyd: 18:00 – 19:30RSVP: Stuur ‘n e-pos na alumni@sun.ac.za om teen Vrydag 22 September u bywoning te bevestig.Indien u aanlyn aansluit, sal ‘n skakel op Dinsdag 26 September per e-pos aangestuur word.Ons sien daarna uit om u te verwelkom.
