- This event has passed.
Kom vier ons wêreldwye Maties-netwerk
21 September 2021 @ 7:00 pm - 25 September 2021 @ 6:00 pm
Dis darem nou al lank in die werking … die geleentheid om met jou in geselskap te verkeer – en boonop in persoon! Dit is dus ons plesier om jou uit te nooi om weer kontak te bewerkstellig. En wat is nou ‘n beter geleentheid as Tuiskoms 2021? Sluit gerus by mede-Maties in die Verenigde Koninkryk aan ter viering van ons wêreldwye Maties-netwerk.
Londen Tuiskoms: Dinsdag 21 September 2021
Ons nooi jou en ‘n gas om saam met prof Wim de Villiers, Rektor en Visekanselier van die Universiteit Stellenbosch, sowel as oudregter Edwin Cameron, Kanselier van die Universiteit Stellenbosch, versnaperinge en drankies te geniet by die Bbar in Londen ter viering van ons Londen Tuiskoms. Hoor eerstehands wat als wat by jou alma mater gebeur en ontmoet ons Kanselier.
Tuiskoms is ‘n jaarlikse geleentheid om weer in kontak met mede-Maties te tree wat in Londen en die groter Verenigde Koninkryk woon en werk – brei jou huidige netwerk uit en maak opnuut kontak, of dit nou vriendskaplik of in ‘n professionele hoedanigheid is.
Datum: Dinsdag 21 September 2021
Tyd: 19:00
Plek: Die Jubilee Suite by Bbar, 43 Buckingham Palace Road, Londen, SW1W 0PP
Drag: Deftig informeel
Koste: £10 per persoon (Donasie vir #Move4Food)
Dis nou maar eenmaal die tradisie dat Londen Tuiskoms ‘n geleentheid vir Maties-alumni is om dié wat kwesbaar in ons Matie-studentegemeenskap is te ondersteun. Ons #Move4Food-veldtog verseker dat studente wat voedselonsekerheid op ons kampusse in die gesig staar, op die gepaste tyd, die nodige hulp ontvang om nie honger te ly nie.
Die bywoning van hierdie geleentheid is beperk tot 50 gaste. Jou donasie van £10 per persoon aan die #Move4Food-veldtog is jou toegangsfooi. ‘n Kaartjie(s) sal aan jou uitgereik word ter bevestiging van jou RSVP en donasie.
Betaal/Skenk: HIER
RSVP: HIER teen Vrydag 10 September 2021
Londen-na-Brighton-fietsrit (L2B):
Op Sondag 19 September 2021 pak ons Kanselier en Visekanselier die ikoniese fietsrit van 55 myl vanaf Clapham Common in Suid-Londen na die kusdorpie Brighton aan om fondse in te samel om akademies sterk, maar finansieel benadeelde Matie-studente te ondersteun.
Hulle het ‘n mikpunt van £20 000 gestel – en hulle gaan meeding om te sien wie eerste daardie £10 000 kan insamel.
Ons doen ‘n beroep op jou om hulle te ondersteun deur ʼn skenking aan die VK/EU-beursfonds te maak.
As jy aan die L2B-fietsrit namens ‘n ander liefdadigheidsorganisasie deelneem, wil ons graag hê dat jy uitreik en die Kanselier en Visekanselier laat weet dat jy in die omtrek is – net om daardie ekstra aanmoediging langs die roete te gee.
Kom Braai Saam: Saterdag 25 September 2021
Vier Suid-Afrika se Nasionale Erfenisdag saam met mede-Maties op Saterdag 25 September 2021, en doen wat ons as Suid-Afrikaners nou eemaal geniet – om te braai. Is jy reg vir ʼn lekker Maties-braai?
Volgens die styl van die gewilde VK groep-uiteetprogram, Come Dine with Me, nooi ons jou om op een van hierdie twee opsies te reageer:
GASHEER: Ek sou graag wou hê dat mede-Maties na my huis toe kom en saam met my braai.
GAS: Ek sal graag by ander Maties in my omgewing of naby my wil braai.
Stuur gerus jou keuse teen Saterdag 31 Augustus 2021 aan darrynh@sun.ac.za.
