Maties aanlyn wynproe – Ernie Els

Jy word hartlik uitgenooi na ons laaste Maties-wynklub virtuele wynproe-sessie vir 2022. Sluit asseblief aan by mede-Maties in Europa, waar jy die geleentheid sal kry om herinneringe aan Stellenbosch te deel terwyl ons na die ikone van die wynbedryf luister en aan ons gunsteling Suid-Afrikaanse wyne teug.

Vir hierdie laaste wynervaring van die jaar het ons saamgespan met die bekende Ernie Els- wynlandgoed. Ons is verheug om keldermeester Louis Strydom te verwelkom wat sy kennis en stories met ons gaan deel terwyl ons ‘n seleksie van sy bekroonde wyne proe: die Ernie Els Big Easy Chenin Blanc 2021, Cabernet Sauvignon Rosé 2021, Red Blend 2022 en die Cabernet Sauvignon 2020, asook die Proprietor’s Red Blend 2017 en Proprietor’s Cabernet Sauvignon 2016.

Ons het saamgespan met Capreo-wynverspreiders wat sal verseker dat jou wynpakket binne drie tot vyf werskdae op jou voorstoep afgelewer word. Vir elke wynpakket wat verkoop word, sal Capreo R50 aan die US-beursfonds skenk.

Ons het twee wynpakkette beskikbaar — ‘n standaard-pakket (KLIK HIER) en ‘n premium-pakket (KLIK HIER). Die standaard-pakket bevat die Ernie Els Big Easy Chenin Blanc, Cabernet Sauvignon Rosé en die Big Easy Red Blend, terwyl ons premium-pakket die volledige keuse bevat wat op die aand geproe sal word. Ons stel voor dat jy die wyne 20 minute voor die wynproe-sessie oopmaak en dat jy die wyne teen die regte temperatuur geniet.

Bepalings en voorwaardes
Die koste van die standaard en premium-pakkette sluit versending in. Die koste van die pakket hang af van die land waar dit bestel word.
 
Besonderhede van die geleentheid is soos volg:

Datum: Vrydag 18 November 2022
Tyd: 19:00 tot 20:30
Plek: Aanlyn
(Die skakel word twee dae voor die geleentheid per e-pos aangestuur.)
RSVP: KLIK HIER om te RSVP teen Vrydag 11 November.

Nooi gerus diegene in jou sosiale kring om te deel in jou wynproe-sessie. Ons beloof ‘n interessante en prettige aand!

Ons sien daarna uit om jou aanlyn te verwelkom.