Na ʼn moeilike jaar vol onsekerheid, inperkings en veilige afstandhouding dink ons dat die tyd nou reg is om Maties-alumni in die Suidelike Voorstede bymekaar te bring vir die amptelike bekendstelling van ons nuutgestigte Alumni-tak in die area.
Ons nooi dus Maties uit verskillende nywerhede, belangegroepe en lewensterreine uit om by ons aan te sluit vir ʼn ontspanne aand om verbintenisse aan te gaan, te netwerk en ʼn paar Maties-herinneringe te herleef. Een van ons eie, alumna Elaine Rousseau, sal die geleentheid aanbied en sy belowe om ons te bederf met heerlike kos vir die aand. Alumna-wynmaker Meghan van der Merwe sal ook ʼn paar eiesoortige wyne uit die Constantiavallei voorsit.
Besonderhede vir die geleentheid is soos volg:
Datum: Donderdag 21 Oktober 2021
Tyd: 18:00
Plek: The Homestead, Constantiahoofweg 23, Plumstead
Koste: Die geleentheid sal gratis wees en sal ʼn verwelkomingsdrankie, wyn en ete insluit. Spiritualieë en bier sal te koop wees by ʼn kontantkroeg.
RSVP: Stuur ‘n e-pos na alumni@sun.ac.za om jou plek te bespreek .
Ons sien daarna uit om jou daar te sien.
