Maties Wyn Klub met Neethlingshof

Jy word hartlik uitgenooi na ons tweede Maties Wynklub-geleentheid vir 2022. Sluit asseblief op Vrydag 20 Mei aan by mede-Maties in Europa, Ierland en die Verenigde Koninkryk waar jy die geleentheid sal kry om herinneringe aan Stellenbosch te deel terwyl ons na die ikone van die wynbedryf luister en aan ons gunsteling Suid-Afrikaanse wyne teug.

Vir ons tweede wynproe-ervaring van die jaar het ons saamgespan met die meer as 300-jaar-oue Stellenbosch-wynlandgoed, Neethlingshof. Hierdie befaamde landgoed spog met ‘n verskeidenheid aktiwiteite wat wissel van saamgestelde wynproeë, heerlike kosopsies, asook ontspanne musiekaande op Woensdae. Ons is geëerd om wynmaker De Wet Viljoen en assistent-wynmaker Mika Engelbrecht te verwelkom om hul kennis en stories te deel terwyl ons ‘n seleksie van hul gesogte wyne proe: die Neethlingshof Unwooded Chardonnay 2021, Chenin Blanc 2021, Gewürztraminer 2020, Pinotage 2020 en die Malbec 2020. Ons sluit die proe-sessie af met hul Short Story Collection ‘The Caracal 2018’.

Europa
Capreo-wynverspreiders sal verseker dat jou wynpakket binne drie tot vyf dae op jou voorstoep afgelewer word. Vir elke wynpakket wat verkoop word, sal Capreo R50 aan die Universiteit se Beursfonds skenk.

Ons het twee spesiaal gekureerde pakkette beskikbaar — ‘n standaard-pakket (KLIK HIER) en ‘n premium-pakket (KLIK HIER). Die standaard-pakket bevat die Neethlingshof Unwooded Chardonnay 2021, Gewürztraminer 2020 en die Short Story Collection ‘The Caracal 2018’, terwyl ons premium-pakket die volledige keur van wyne bevat wat op die aand geproe sal word.

Bepalings en voorwaardes
Vir Europa sluit die koste vir die standaard- en premium-wynpakkette versending in. Die koste van die pakket hang af van die land vanwaar dit bestel word.

Verenigde Koninkryk
Ons het saamgespan met die Yorkshire-gebaseerde wynhandelaar (www.lekkerwines.co.uk) om die wyne vir die aand te verskaf. Ons het twee spesiaal gekureerde pakkette beskikbaar ‘n standaard-pakket (KLIK HIER) en ‘n premium-pakket (KLIK HIER).  Die standard-pakket sluit die Neethlingshof Unwooded Chardonnay 2021, Six Flowers 2019 en die Short Story Collection ‘The Caracal 2018’ in, terwyl ons premium-pakket die volledige keuse bevat wat die aand geproe sal word. (Weens voorraadtekorte in die VK, is die Gewürztraminer 2020 ongelukkig nie beskikbaar nie.)

Ons stel voor dat jy die wyne 20-minute voor die proe-sessie oopmaak en onthou om jou wyne teen die regte temperatuur te geniet.

Datum: Vrydag 20 Mei 2021
Tyd: 19:00 tot 20:30 (CET), 18:00 tot 19:30 (BST)
Plek: Aanlyn (Die Zoom-skakel word twee dae voor die geleentheid per e-pos aangestuur.)
RSVP: Stuur ‘n e-pos aan alisonapril@sun.ac.za om te RSVP teen Vrydag 13 Mei.

Nooi gerus diegene in jou sosiale kring om te deel in jou wynproe-sessie, sluit aan op Zoom en skakel jou kamera aan. Ons beloof ‘n interessante en prettige aand!

Ons sien daarna uit om jou aanlyn te verwelkom.