- This event has passed.
Pretoria: Gholfdag by Wingate-buiteklub
14 February 2022 @ 11:00 am - 4:00 pm
Ons hoop jy het ‘n welverdiende ruskans geniet en sien uit na wat hierdie nuwe jaar mag inhou. Jou Pretoria Maties Alumni-tak was hard aan die werskaf en het verskeie alumni-aktiwiteite vir die eerste helfte van die jaar gereël. Ons doen ‘n beroep op jou om aan te sluit! By hierdie geleenthede kan jy kontak bewerkstellig met mede-Maties en nuwe sosiale en besigheidsnetwerke skep. Geniet bobaas-rugby by die openingswedstryd van die 2022 Varsitybeker, piekniek saam met jou familie en vriende, speel ‘n potjie gholf saam met jou maats of bespreek daardie uiters belangrike onderwerp: aandagtigheid, of te wel, mindfulness. Of jy nou een of al hierdie geleenthede wil bywoon – ons sien daarna uit om tyd saam met jou te spandeer.
En daar spring ons weg!
Ons Pretoria Maties Alumni-tak is toe amptelik in November 2021 by die Menlyn Boutique Hotel bekendgestel. Dankie aan almal wat dit bygewoon het. Klik hier vir ‘n keur van foto’s.
Wil jy van jou tyd deel? Jy kan vrywillig op ons takkomitee dien. Kontak Ferdi van Dyk by alumnihubs@sun.ac.za indien jy betrokke wil raak.
Neem asseblief kennis
Plek is beperk weens COVID-19-regulasies. Kaartjies sal op ‘n eerste-kom-basis uitgereik word.
Maandag, 14 Februarie
Gholfdag by die Wingate-buiteklub
Sluit by ons aan vir ‘n potjie gholf by die Wingate-buiteklub. Jy kan jou Tukkies-vriende die stryd aansê by ons Maties vs Tukkies-gholfdag voor die aand se opening Varsitybeker-wedstryd. Skryf in vir ‘n tweebal teen R1 500 om die kompetisie aan die gang te sit. Dit beloof om ‘n opwindende dag te wees met ongelooflike pryse, heerlike kos en lekker geselskap! Ons slaan om 11:00 af.
KLIK HIER vir meer besonderhede of stuur ‘n e-pos aan Ferdi van Dyk by dfvandyk@sun.ac.za.
