Na ʼn moeilike jaar vol onsekerheid, inperkings en veilige afstandhouding dink ons dat die tyd nou reg is om Maties-alumni in Pretoria bymekaar te bring vir die amptelike bekendstelling van ons nuutgestigte Alumni-tak in die area.
Die Pretoria Alumni-komitee nooi dus Maties uit verskillende nywerhede, belangegroepe en lewensterreine uit om by ons aan te sluit vir ʼn rustige aand om nuwe mense te ontmoet, te netwerk en ʼn paar Maties-herinneringe te herleef.
Hierdie geleentheid vind op Dinsdag 16 November by die Menlyn Boutique Hotel plaas. Louisvale-wynlandgoed sal ook wyne van hul nuutste oes tydens hierdie geleentheid deel. Dink jou net in — die vars buitelug, goeie geselskap en eet- en drinkgoed saam met vriende, oud en nuut.
Sluit asseblief by ons aan!
Besonderhede vir die geleentheid is soos volg:
Datum: Dinsdag 16 November 2021
Tyd: 18:00
Plek: Menlyn Boutique Hotel (Aanwysings)
Koste: Gratis
RSVP: Stuur ‘n e-pos na alumnihubs@sun.ac.za teen Maandag 15 November 2021.
