Sluit by ons studente, alumni, families en vriende aan vir een van ons grootste jaarlikse samekomste om US-kampustrots en die ervaring van die US-lewe in 2022 te vier. Tuiskoms-week skop af met ʼn SWAN-gholfdag op Donderdag 8 September en daar is nog geleenthede deur die loop van die week wat eindig met die Tuiskoms-naweek. Lees meer oor ons program hier onder.

Kom vier die eerstejaarsgroepe van 1971, 1972, 1981 en 1982, 1991 en 1992, 2001 en 2002, 2011 en 2012 saam in Stellenbosch. Die graduandi van die Fakulteit Geneeskunde en Gesondheidswetenskappe van 1971, 1972, 1982, 2002 en 2012 kom ook op die Tygerbergkampus byeen. 

Doen mee aan Wilgenhof se Jaardag, Majuba se 55ste verjaarsdagspitbraai, Goldfields se 35ste reünie-dinee, en Helderberg se 75ste reünie-spitbraai, Serruria se 45ste noenontbyt, Huis ten Bosch se 85ste noenontbyt, Helderberg se 75ste noenontbyt, of Heemstede se 55ste noenontbyt. Moenie die Hombré-huisvergadering en spitbraai, Eendrag se 61ste Alumni-praatjies, Helderberg se 75ste formele dinee, Eendrag se 61ste formele dinee, en Heemstede se 55ste dinee misloop nie. EN Metanoia word 16 (ja, hulle moes eintlik laasjaar 15 geword het, maar jy weet, Covid … ) – hiep, hiep, hoera!

Daar is ʼn sakeontbyt in Stellenbosch saam met die Universiteit Stellenbosch Bestuurskool se Alumnivereniging op Vrydag 9 September. In vennootskap met Meridian Wine, het ons vir Vrydagmiddag en -aand ʼn Matie Soiree, “Lente in die Boland”, in die Alumni-klubhuis by Die Stal gereël, met Matie-wynmakers en Matie innoveerders in nie-alkoholiese drankies, en goeie kuiermusiek. 

Ons internasionale alumni-hubs en -takke bied ook steeds geleenthede vir jou om met ons en met mekaar te skakel, waar jy jou ookal in die wêreld bevind.

Kom sluit dus gerus by ons aan! 

Vir algemene navrae oor Tuiskoms, stuur ‘n e-pos na homecoming@sun.ac.za