Tuiskoms 2020

Die Universiteit Stellenbosch se vyfde Tuiskoms-en-Familienaweek vir alumni het tot ‘n einde gekom ná ‘n vyf-dag naweek met 19 verskillende geleenthede. Dan praat ons nog nie eers van al die Woordfees-aanbiedinge nie!

Dankie dat jy by ons aangesluit het. Dit was wonderlik om jou hier te hê.

• Klik hier vir ‘n reeks foto’s en “tag” gerus jouself en jou vriende.

Kom ons bly in kontak. As jy nog nie op ons Maties Connect-platform geregistreer is nie — waarvoor wag jy? Daar kan jy jou kundigheid deel, op hoogte bly van mede-Maties se doen en late en jou loopbaan bevorder.

Indien jy idees vir #MatiesTuiskoms 2021 het, wil ons graag van jou hoor. Deel dit gerus op die platform of stuur aan na alumni@sun.ac.za.

Die volgende paar maande sal waarskynlik baie uitdagings bied soos wat ons die Covid-19 virus, ekonomiese wisselvalligheid en ander dag-tot-dag struikelblokke in die gesig staar. Ek wens jou alle sukses toe met jou toekomsplanne en mag jy aanhou om uit te blink in jou gekose veld.

Always a Matie, Altyd ‘n Matie, Njalo yi Matie!