Vrywilligerswerk vir die US

Wil jy graag by die Matie-gemeenskap betrokke bly? Die Afdeling Ontwikkeling en Alumnibetrekkinge (OAB) bied talle geleenthede vir alumni om hulle tyd en talente vrywillig aan te bied. Ongeag waar jy woon, waarin jy belangstel, of hoeveel tyd jy beskikbaar het, daar sal iets wees wat jy kan doen. Hier volg enkele van die maniere waarop jy betrokke kan raak:

1. a) Sluit by jou plaaslike of internasionale tak aan: Of jy na ʼn nuwe stad verhuis, of net op soek is na maniere om met ander alumni naby jou in verbinding te tree, ons 33 streeks- en affiniteitsgemeenskappe wêreldwyd bied ʼn wonderlike manier om nuwe mense te ontmoet en betrokke te raak. Jy kan ook aansluit by die beplanningskomitee vir prettige geleenthede wat alumni-interaksie bevorder.
2. b) Raak ʼn marathon-atleet, fietsryer of stapper: As jy geesdriftig oor fiksheid is en wil help om fondse vir jou alma mater te werf, oorweeg dit om by ons span alumnileiers aan te sluit. Ons sal jou help om vir liefdadigheidsgeleenthede in te skryf, jou fondswerwingsplatform op te stel en jou e-posberoepe te formuleer.
3. c) Word ʼn Maties-promotor: Hou jy van sosiale media? Word ʼn Maties-promotor en help om inligting oor alumni-nuus en -geleenthede onder jou vriende, navolgers en kollegas op Facebook, Instagram, Twitter en LinkedIn bekend te maak. Hiermee verdien jy punte, wat vir data of alumni-handelsware verruil kan word.
4. d) Help met ʼn reünie: As jy die Matie Tuiskoms-naweek gereeld bywoon, oorweeg dit om by jou klaskomitee aan te sluit en weer met kollegas en vriende in aanraking te kom. Jy kan ook ʼn Dekade-kampvegter word en help met die beplanning van geleenthede vir jou eerstejaars- koshuis- of PSO-groep, jou klas of jou klub.
5. e) Staan vir die US Konvokasie of vir benoeming deur die Konvokasie tot die US Raad of Institusionele Forum: Die US Konvokasie bestaan uit almal wat ʼn graad aan die Universiteit behaal het. Jy kan die Universiteit se welstand help bevorder deur in die Uitvoerende Komitee, die Raad of die Institusionele Forum te dien. Stuur ʼn e-pos aan konvokasie@sun.ac.za vir meer inligting.
6. f) Dien as vrywilliger in ʼn komitee: Baie US fakulteite het adviesrade wat daarop gemik is om nouer bande met die industrie te smee. Dit is ʼn goeie manier om by jou tuisfakulteit of enige ander fakulteit wat met jou bedryf verband hou, betrokke te raak.

Sien jy niks hier wat jou aandag trek nie? Kontak ons by alumni@sun.ac.za en ons sal jou help om die volmaakte geleentheid vir betrokkenheid by die Matie-gemeenskap te vind.