2026: ’n Jaar om weer te verbind, te vier en ’n bydrae te lewer

Die 2026 Alumni-geleentheidskalender is nou beskikbaar, met meer as 150 geleenthede wat regoor Suid-Afrika en internasionaal beplan word. Van reünies en takbyeenkomste tot vlagskipvieringe, is daar volop geleenthede om weer kontak te maak en deel te bly van die Matie-verhaal.

’n Hoogtepunt van die jaar is Tuiskoms 2026, wanneer alumni na die kampus terugkeer om belangrike mylpale te vier, insluitend 100 jaar van Monica en Maties Netbal, 50 jaar van Nemesia-koshuis en 90 jaar van die Universiteitskoor.

Alumni kan ook op betekenisvolle maniere betrokke raak. Deur #Move4Maties neem alumni weer deel aan Suid-Afrika se ikoniese wedrenne om fondse vir studente-ondersteuning in te samel. Die #GivingMaties-inisiatief bied by geleenthede wêreldwyd die geleentheid om by te dra tot studentesukses en waardigheid.

Met 52 alumni-takke in meer as 25 lande groei die wêreldwye Matie-netwerk steeds. Of jy naby of oorsee is, daar is ’n geleentheid of inisiatief waarby jy kan aansluit. Kry ditdit hier.

Blaai deur die 2026 Alumni-geleentheidskalender, teken die datums aan en bly verbind.

Verken ook die jongste uitgawe van Altyd ’n Matie, met inspirerende alumni-verhale van regoor die wêreld.