Jy word hartlik uitgenooi na die bekendstelling van ons Maties-wynklub in Duitsland. Hier sal jy die geleentheid kry om met verskillende wynmakers en eienaars van wynlandgoedere in die Stellenbosch-wynroete en ander wynproduserende streke in Suid-Afrika, in gesprek te tree. Kom deel en herleef herinneringe aan Stellenbosch terwyl ons na die ikone van die bedryf luister en aan ons gunsteling SA wyne teug.
Vir hierdie eerste aanlyn wynervaring het ons gasspreker geen bekendstelling nodig nie, want hy het sinoniem geword met Stellenbosch- en studentewynavonture. Ons is verheug om Beyers Truter van Beyerskloof te verwelkom wat sy kennis en stories met ons gaan deel terwyl ons drie van sy geliefde wyne proe: Beyerskloof Pinotage, Reserve Pinotage en die Synergy Cape Blend. Beyers gaan ook van sy meer eksklusiewe wyne tydens die wynproe-sessie deel. Jy het die opsie om, bo en behalwe die standaardpakket, van hierdie eksklusiewe wyne te bestel.
Wat bedoel ons met “Standaardpakket”? Wel, ons het saamgespan met Capreo-wynverspreiders wat sal verseker dat jou wynpakket binne drie tot vyf dae op jou voorstoep afgelewer word sodat jy hierdie wynproe-sessie in die gemak van jou eie huis kan waardeer. Jy kan jou Beyerskloof-wynpakket bestel deur op hierdie skakel te klik.
Datum: Vrydag 23 Oktober 2020
Tyd: 19:00 tot 20:00
Plek: Aanlyn (Zoom)
Koste vir die drie wyne: 40 € (gratis aflewering ingesluit)
RSVP: E-pos alisonapril@sun.ac.za om te RSVP en skryf Kom klink ‘n glasie in Duitsland teen Vrydag 16 Oktober 2020.
Kalender: KLIK HIER om die geleentheid in jou dagboek te voeg.
Nooi gerus diegene in jou sosiale kring om te deel in jou wynproe-sessie, sluit aan op Zoom en skakel jou kamera aan. Ons beloof ‘n interessante en prettige aand!
Ons sien uit om jou by hierdie virtuele geleentheid te verwelkom.
