Kaapstad-Fietstoer

Ons hoop jy het ‘n welverdiende ruskans geniet en sien uit na wat hierdie nuwe jaar mag inhou. Jou Pretoria Maties Alumni-tak was hard aan die werskaf en het verskeie alumni-aktiwiteite vir die eerste helfte van die jaar gereël. Ons doen ‘n beroep op jou om aan te sluit! By hierdie geleenthede kan jy kontak bewerkstellig met mede-Maties en nuwe sosiale en besigheidsnetwerke skep. Geniet bobaas-rugby by die openingswedstryd van die 2022 Varsitybeker, piekniek saam met jou familie en vriende, speel ‘n potjie gholf saam met jou maats of bespreek daardie uiters belangrike onderwerp: aandagtigheid, of te wel, mindfulness. Of jy nou een ​​of al hierdie geleenthede wil bywoon – ons sien daarna uit om tyd saam met jou te spandeer.

En daar spring ons weg!
Ons Pretoria Maties Alumni-tak is toe amptelik in November 2021 by die Menlyn Boutique Hotel bekendgestel. Dankie aan almal wat dit bygewoon het. Klik hier vir ‘n keur van foto’s.

Wil jy van jou tyd deel? Jy kan vrywillig op ons takkomitee dien. Kontak Ferdi van Dyk by alumnihubs@sun.ac.za indien jy betrokke wil raak.

Kaapstad-fietstoer
As jy fietsry of beplan om aan die Kaapstad-fietstoer deel te neem, hoekom sluit jy nie by Maties se alumni-span aan nie? Die Universiteit moedig alumni-takke regoor Suid-Afrika aan om aan te meld en fiets te ry om fondse in te samel vir sy  Jaarfonds, Bridge the Gap. Geniet die pret en kameraadskap met ‘n spesiale uitgawe fietsry-T-hemp, gasvryheid na die geleentheid, en die kans om saam met die Rektor en Visekanselier, prof Wim de Villiers en mede-Maties die speke te laat sing.
Om in the skryf of om meer inligting te ontvang, kontak asseblief vir Siya Ndlovu by ndlovus@sun.ac.za.

Jou globale Matie-netwerk
Moenie vergeet om op www.matiesconnect.com te registreer om jou eertydse universiteitsvriende op te spoor of om op die hoogte te bly van al die jongste alumni-nuus nie.