Loopbaankafee

Die Afdeling Ontwikkeling en Alumnibetrekkinge (OAB) bied op 4 Augustus 2022 ʼn Loopbaankafee aan. Die Loopbaankafee word gehou om studente van die Universiteit Stellenbosch (US) te help om noodsaaklike vaardighede vir die werkswêreld te ontwikkel, maar ook om hulle voor te berei vir ʼn veranderde en veranderende wêreld ná afloop van die pandemie. Vanjaar se Loopbaankafee se tema is ‘Baanbrekervroue – verbreek professionele en gendergrense in hulle werksplek’ en sal die dinamiese rol wat vroue in die werksplek speel, onder die loep neem. Die OAB sal ʼn gesprek in paneelformaat met sommige van die merkwaardige alumnae en personeel van die Universiteit Stellenbosch aanbied.

Maak seker jy sluit by ons aan vir hierdie fantastiese geleentheid om nuwe vaardighede aan te leer en om vir die werkswêreld ná jou studies voor te berei. Die geleentheid sal van 13:00 tot 14:00 by Die Stal plaasvind.