Daar is opwindende alumni-geleenthede wat ons vir Mei in die Overberg beplan, en jy is genooi.
Maties Alumni-bewaringswandeling
Is jy ‘n natuurliefhebber, iemand wat die wonder en die waarde van die natuur raaksien? Dan sal jy ons bewaringswandeling vir alumni by Die Plaat, Gansbaai, geniet. Dr Ernest Baard, Hoof: Kaapse Natuurbewaring, gaan saam stap en ons insig gee in Kaapse Natuurbewaring se inisiatiewe om ongeskonde natuurgebiede in die Wes-Kaap te bewaar.
Die wandeling is nie bedoel om ‘n uitdagende staptog te wees nie; eerder ‘n rustige rondloop, met ‘n piekniek en oorgenoeg kans om foto’s te neem.
Plek: Die Plaat, Kaapse Natuurreservaat
Datum: Saterdag 27 Mei 2023
Tyd: 10:00
Koste: R80 (ingesluit: toegang, verversings en versnaperings)
RSVP: Stuur ‘n e-pos na alumni@sun.ac.za om jou plek te bespreek. Ons gee die betalingsbesonderhede nader aan die datum.
Moenie hierdie intellektueel stimulerende geleenthede misloop nie. Sluit by ons aan om die Matie-netwerk saam op te bou.
