Sluit aan by ons Amsterdam-span

Ons nooi jou graag uit om deel te wees van ons fokusgroep vir ‘n Alumni-tak in Amsterdam. Alumni-takke help die Afdeling Ontwikkeling en Alumnibetrekkinge aan die Universiteit Stellenbosch met die bou van netwerke deur geleenthede te organiseer wat alumni die kans bied om met mekaar in verbinding te tree, saam te werk en daardie eiesoortige Matie-vernuf vanuit ‘n diverse professionele poel te benut.

Sluit asseblief by ons aan vir ‘n informele byeenkoms, in-persoon, op Donderdag 3 Maart 2022 om 19:00 waar ek jou verder oor die Alumni-tak sal inlig en ook wat van Span Amsterdam verwag word. Die ontmoeting sal aan plaaslike COVID-19-regulasies onderhewig wees.

As jy belangstel om meer uit te vind en deel van die span te wees, stuur gerus ‘n e-pos na alisonapril@sun.ac.za vir besonderhede van hierdie samekoms. RSVP asseblief teen Vrydag 25 Februarie. Om deel van die span te word sal wonderlik wees en uiters lonend, so raak beslis betrokke!

Ons sien uit na jou entoesiasme, waardevolle insae en eerstehandse kennis oor ‘n land wat kan bydra tot die uitbou van ‘n lewendige Matie-gemeenskap in Europa.

Eenmaal ‘n Matie, altyd ‘n Matie!