Die Afdeling Ontwikkeling en Alumni-betrekkinge aan die Universiteit Stellenbosch (US) nooi jou uit na ‘n eksklusiewe aanlyn gesprek getiteld The Namibian Economy – How we can change the writing on the wall, met dr Edward Turner, hoof van korporatiewe en beleggingsbankdienste by Nedbank Namibië.
Wat hou die toekoms in vir Namibië se ekonomie? Is daar volhoubare oplossings vir ekonomiese herstel? Danksy sy jarelange ervaring in korporatiewe, kommersiële en beleggingsbankdienste, ouditkunde, belasting en rekeningkunde, is dr Turner in ‘n unieke posisie om hierdie uiters belangrike bespreking te lei.
Nangula Uaandja, ‘n vennoot by PricewaterhouseCoopers in Namibië, en Bruce Hansen, besturende direkteur by Simonis Storm Securities Namibië, neem ook deel aan hierdie aanlyn geleentheid.
Datum: Woensdag 25 November 2020
Tyd: 18:00 (SAST)
Plek: Aanlyn (MS Teams)
RSVP: E-pos jou RSVP-versoek aan adamsr@sun.ac.za teen Vrydag 19 November.
(Die skakel na die geleentheid sal op Maandag 23 November per e-pos gestuur word.)
Kalender: KLIK HIER om die geleentheid in jou dagboek te voeg.
Ons Matie-familie is oor die hele Namibië versprei, en ons wil graag met soveel as moontlik van julle kontak maak. Stuur gerus hierdie uitnodiging vir Matie-kollegas en vriende en moedig hulle aan om ‘n RSVP-versoek aan adamsr@sun.ac.za te stuur. Sluit ook by Maties Connect aan om op hoogte te bly van al ons aktiwiteite.
Ons sien daarna uit om jou aanlyn te verwelkom.
