Vanjaar se Tuiskoms-en-Familienaweek is dan spesiaal vir jou! Kry gerus jou universiteitsvriende bymekaar en beplan jou reis na Stellenbosch vir DIE Grootste Reünie saam met almal wat in 2010, 2000, 1990, 1980 of 1970 ‘n eerstejaar Matie was.
Die Alumni-betrekkinge Kantoor nooi jou en ‘n metgesel na hierdie geleentheid op Vrydag 6 Maart om 18:00 by ons splinternuwe Alumni-klub by Coetzenburg se Die Stal. Daar sal ons julle op ‘n plaasstyl-ete onder die eikebome trakteer. Onthou dis noodsaaklik om te RSVP.
Vergeet vir ‘n oomblik van Facebook en WhatsApp en kom ervaar jou ou vriende in lewende lywe en herleef saam daardie goeie ou studentedae. Ons belowe ietsie spesiaal vir almal — so verwag ‘n heerlike makietie met goeie kos, wonderlike geselskap en vermaak uit die boonste rakke.
Waar: Die Stal by Coetzenburg
Tyd: 18:00
Koste: R300.00 per persoon
Klik hier om jou kaartjie te bespreek of stuur ‘n e-pos na marvin@sun.ac.za vir enige navrae.
Kyk intussen na al die opkomende geleenthede vir die Tuiskomsnaweek op www.matiesalumni.com. Ons sit ook ons vennootskap met die Woordfees voort, so maak seker dat jy jou spesiale alumni-afslag op uitgesoekte Woordfeesvertonings opeis.
Begin 2020 op ‘n hoë noot. Ons kan nie wag om jou te sien nie!
