Beste alumnus
Dit is hartseer om te sien dat die COVID-19 krisis die wese van ons alumni-geleentheidskalender beïnvloed, naamlik om ‘n dinamiese gemeenskap in en oor die hele Europa heen via persoonlike geleenthede op te bou. Dit is met dankbaarheid dat ek kan terugkyk na die ontmoeting met Maties in Stuttgart, Gent, Oslo, Stockholm, Kopenhagen, Amsterdam, Berlyn, Bern, Leuven, München en Frankfurt in die eerste kwartaal van 2020. Die entoesiasme vir die Universiteit Stellenbosch (US) en die interaksie tussen alumni was bemoedigend. Dankie vir jou ondersteuning.
Die gebeure die afgelope weke het emosies oor die hele wêreld aangevuur. Ons lande staar ‘n ongekende gesondheidskrisis in die gesig vanweë hierdie pandemie. Die onderskeie regerings het drastiese maatreëls getref om die verdere verspreiding van die coronavirus te stuit, wat groot aanpasbaarheid van ons almal verg. Dit het ‘n groot invloed op ons daaglikse lewe, maar dit is nodig om onsself en ander te beskerm, veral diegene wat as kwesbaar beskou word.
As deel van hierdie poging het die president van Suid-Afrika, Cyril Ramaphosa, ‘n nasionale ramptoestand afgekondig asook ‘n 21-dag inperking. Dit beteken dat die Afdeling Ontwikkeling en Alumni-betrekkinge van die US nou alle alumni-geleenthede wat tussen 18 Maart en 30 Junie 2020 gehou sou word, gekanselleer het. Dit geld ook vir ons geleenthede in Europa, alhoewel die beleid spertyd hier op ‘n deurlopende grondslag geëvalueer sal word, met inagneming van die riglyne vir plaaslike regering.
Ek is hoopvol dat ons ‘n sterker gevoel van solidariteit sal oorhou namate ons herstel van die impak van die coronavirus. Dit is ‘n momentele stilstand wat geleenthede en reis betref, maar die Universiteit se verbintenis tot onderrig as ‘n manier om lewens en die samelewing te transformeer, bly onwrikbaar.
Ons sien uit daarna om jou op hoogte te hou in die komende weke en soos altyd verwelkom ons jou betrokkenheid. Moet asseblief nie huiwer om my te kontak by alisonapril@sun.ac.za indien jy vrae het nie.
Sorg asseblief dat jy veilig bly.
Hartlike groete
Alison April
Europese Direkteur
Ontwikkeling en Alumni-betrekkinge
Universiteit Stellenbosch
