#Action4Inlcusion: hibriedekomedie-aand met Stuart Taylor

As deel van die voortgesette pogings om studenteskuld aan te spreek, sal prof Thuli Madonsela en Universiteit Stellenbosch op 22 Oktober 2021 ʼn geldinsamelingskomedieaand aanbied. Die komedieaand is ten bate van die #Action4Inclusion Universiteit Stellenbosch-veldtog wat ten doel het om studenteskuld aan te spreek. Bekroonde skerpskertser, Stuart Taylor, het sy steun gegee aan die veldtog en sal sy tyd en skerpsinnigheid borg!

Stuart het sy betrokkenheid by die #Action4Inclusion-inisiatief beskryf as ’n “voorreg” en hoop dat sy bydrae “sal help om aan ʼn student die broodnodige hupstoot te gee”. Hy het bygevoeg dat “een van die moeilikste goed in hierdie wêreld is om nie toegelaat te word om jou potensiaal te bereik nie; nie omdat jy nie genoeg probeer het nie, maar weens omstandighede buite jou beheer”.

Madonsela het haar innige dank soos volg verwoord: “Dankie aan kollegas, alumni, lede van die publiek, maatskappye en groot nyweraars vir hulle ruimhartige bydraes en bystand om ʼn blinker môre te skep!”

Dr Ronel Retief, Registrateur aan die Universiteit Stellenbosch, het die noodsaaklikheid om studenteskuld aan te spreek beklemtoon deur te sê: “Om studenteskuld aan te spreek, is uiters belangrik, aan die een kant, om voortgesette toegang tot hoër onderwys te fasiliteer (of om nie studente wat dit akademies verdien om finansiële redes uit te sluit nie) en aan die ander kant, om by te dra tot die finansiële volhoubaarheid van die hoër instelling self”.

Die komedieaand sal by Die Stal in Stellenbosch en aanlyn deur middel van Microsoft Teams plaasvind. ʼn Kaartjie kos R150 vir diegene wat persoonlik daar wil wees en R100 vir diegene wat aanlyn gaan bywoon.

Datum: Vrydag, 22 Oktober 2021

 TYD: 18:00-20:00

 PLEK: Die Stal, Stellenbosch en aanlyn (Microsoft Teams)

 KOSTE: R150 (persoonlike bywoning) |  R100 (aanlyn)

Koop jou kaartjie hier: https://plankton.mobi/Events/EventBooking/689de43e-502b-ec11-80db-0cc47a93d288
***Ons bedien verversings voor die vertoning.
***Neem asseblief jou sitplek teen 18:45 in.

Skenk aan #Action4Inclusion:
https://www.givengain.com/cc/action4inclusion/

Navrae: Kontak vir Thembalethu Seyisi by  0727853218 of per e-pos: 22301763@sun.ac.za