Die toekoms van Afro-Europese/VK

Die Afdeling Ontwikkeling en Alumnibetrekkinge aan die Universiteit Stellenbosch en die Universiteit Stellenbosch Bestuurskool nooi jou hartlik uit na ʼn aanlyn geleentheid op Woensdag 9 Junie 2021. Dr Morne Mostert, direkteur van die Instituut vir Toekomsnavorsing (IFR) en lid van die Klub van Rome and dr Njeri Mwagiru, senior futuris en hoof van die kantoor vir Afrika-toekomste, sal ʼn bespreking oor die onderwerp Die toekoms van Afro-Europese/VK-verhoudings lei.

Die ondersoek van die toekoms genereer nuwe geleenthede en perspektiewe. Dit skep ruimte vir die verbeelding van innovasie en herontdekking. Terselfdertyd is die hede feitlik altyd die produk van ʼn onvolmaakte verlede, wat genadeloos bly talm, en dit is veral waar in die geval van Afro-Europese verhoudings.

Tydens hierdie sessie sal dr Morne Mostert hierdie dialoog uit die perspektief van ʼn hersiening van persepsies van waarde, waardes en waardebepalings vir die herverbeelding van alternatiewe Afro-Europese verhoudings bekendstel. Dr Njeri Mwagiru sal saam met dr Mostert die opsies en geleenthede vir ʼn nuwe ewewig in die verhoudings tussen die streke ondersoek, in ‘n poging om bo die verlede uit te styg en alternatiewe moontlikhede te verken.

Dit is tyd dat die toekoms van Afrika se kommersiële, maatskaplike en politieke verhoudings met die globale noorde opgegradeer word. Of jy ʼn sakepersoon, in die regering of deel van die burgerlike gemeenskap is, sluit by ons aan vir hierdie ondervraging van persepsies en die bywerk van moontlikhede.

Wanneer: Woensdag 9 Junie 2021
Tyd: 12:00 (BST), 13:00 (SET en SAST)
Waar: Aanlyn (Zoom)
(Die Zoom-skakel sal twee dae voor die geleentheid per e-pos aangestuur word.)
RSVP: Stuur ‘n e-pos aan alisonapril@sun.ac.za om te RSVP teen Vrydag 4 Junie 2021 te RSVP.

Ons sien daarna uit om jou by hierdie virtuele samekoms te verwelkom.