Die Afdeling Ontwikkeling en Alumnibetrekkinge aan die Universiteit Stellenbosch (US) kondig graag die bekendstelling van ‘n nuwe Maties-netwerk op jou drumpel aan — die Gansbaai Maties Alumni-tak.
Hierdie alumni-tak hoop om Maties met uiteenlopende belangstellings, ambisies en van verskillende bedrywe die geleentheid te bied om met mekaar in gesprek te tree, herinneringe te deel en die band met hul alma mater te verstewig.
Kom deel asseblief in die amptelike bekendstelling op Dinsdag 25 Mei 2021. By hierdie geleentheid bied ons ʼn gesprek oor ekonomiese vryheid in die Suid-Afrikaanse konteks aan saam met:
Professor Johan Fourie, professor in ekonomiese geskiedenis aan die US, rubriekskrywer, navorser en blogger. Hy het onlangs ‘n boek met die titel Our Long Walk to Economic Freedom gepubliseer.
EN Dr Leslie Van Rooi, die senior direkteur vir sosiale impak en transformasie aan die US. Hy is ook die koshuishoof van Simonsberg-manskoshuis.
Die besonderhede van die geleentheid is soos volg:
Datum: Dinsdag 25 Mei 2021
Tyd: 18:30 vir 19:00
Plek: Great White House, Kleinbaai
Tema: The five most important questions on growing South Africa.
Koste: Gratis
RSVP: E-pos alumni@sun.ac.za om te RSVP vir hierdie geleentheid.
Ons sien uit daarna om jou by hierdie geleentheid te verwelkom.
