Ons Johannesburg-tak word gedryf deur ’n jong en lewenskragtige komitee van vrywilligers wat passievol is oor die bou van die Maties-netwerk. Die Tak strek van Sedibeng, die Wes-Rand en Ekurhuleni, tot by die Stad Johannesburg. Die span het ’n volledige aktiwiteitsprogram vir 2023 saamgestel.

Dagboek hierdie datums

• Maandag 13 Maart – Dit is Varsitybeker-tyd en ook die tyd om die Maroenmasjien te ondersteun! Dit is die dag van die Wits vs Maties Varsitybeker-rugbywedstryd. Onthou om jou maroen te dra. Die opbrengs gaan in geheel aan die US se Bridge the Gap-jaarfonds.
• Vrydag 17 Maart – Ons SWAN-netwerk se Kuier-en-Skilder-samekoms word gehou. Moet dit nie misloop nie.
• Woensdag 24 Mei – Afslaan! Dit is tyd vir ons jaarlikse Gauteng Maties-gholfdag by die Rand Park-gholfklub. Junie – Ons beplan gewis ’n netwerkgeleentheid vir ons jong alumni onder 35. Dit is immers Jeugmaand.
• Saterdag 12 Augustus – Ons gaan groot met ons liefde vir kook. Kom sluit by die kookklas vir ons SWAN-lede aan.
• November – Hier is jou kans om jou kennis te toets. Kom sluit by ons aan vir die prettige Vasvra-aand-fondsinsameling ter ondersteuning van die Bridge the Gap-jaarfonds.

Indien jy meer wil uitvind oor die aktiwiteite of betrokke wil raak, stuur asseblief ’n e-pos aan alumnihubs@sun.ac.za.