Aansoeke vir die Universiteit Stellenbosch (US) se 2023 voorgraadse befondsingsgeleenthede het op Dinsdag, 1 Augustus 2023 oopgemaak.
Die Universiteit moedig alle huidige en voornemende voorgraadse studente aan om aansoek te doen vir die interne en eksterne skenkerbeurstoekennings wat die instansie bestuur. Die US moedig alle voorgraadse studente aan om aansoek te doen vir finansiële ondersteuning op grond van finansiële behoeftes en/of akademiese meriete.
Tot en met Julie 2023 het die US het beurse uit institusionele en donateur-befondsing ter waarde van nagenoeg R109 miljoen aan studente in die 2023 akademiese jaar toegeken.
Die US se Sentrum vir Voorgraadse Beurse en Lenings (SVBL) se adjunkdirekteur, Lerato Mkhabela, sê deur nuwe en opwindende tegnologie in te span, beoog die US om ‘n inklusiewe ondervinding te skep wat soveel studente as moontlik kan bereik en ondersteun. “Ons het die aansoekproses vaartbelyn, meer toeganklik en gebruikersvriendelik gemaak. Met behulp van uistekende platforms en digitale hulpmiddels het ons onnodige struikelblokke uit die weg geruim om te verseker dat elke student ‘n gelyke kans het om vir befondsing aansoek te doen.”
Mkhabela sê CUBL bestuur en administreer ook beurse vir eksterne skenkers volgens spesifieke kriteria, soos onder meer finansiële behoefte, akademiese prestasie en leierskap. Om vir een van hierdie beurse oorweeg te word, sal aansoekers ‘n bykomende unieke aansoekvorm moet voltooi en dit oplaai wanneer hulle tydens die aanlyn-aansoekproses daarvoor gevra word.
Die US moedig alle kandidate vir finansiële ondersteuning aan om eers die Aansoekproses op die SVBL-webwerf deeglik na te gaan vir gedetailleerde inligting oor die ondersteuningsdokumente wat hulle nodig het om ‘n aansoek te voltooi. Eers wanneer jy al die dokumentasie opgelaai het, kan jy op ‘Doen nou aansoek’ klik.
“SVBL se verbintenis tot die benutting van tegnologie strek verder as doeltreffendheid en gerief. Ons weet ons studente het unieke behoeftes en finansiële omstandighede, daarom pas SVBL voortdurend ons benadering aan om ‘n uiteenlopende reeks agtergronde en ervarings te akkommodeer in ons keuringsproses.”
“Ons sien uit daarna om die 2024-befondsingsaansoeke te ontvang en sal voortgaan met ons strewe om studente in hul akademiese reise te ondersteun,” het Mkhabela afgesluit.
Voornemende aansoekers kan US-befondsingsnavrae rig aan die Kliëntedienstoonbank by 021 808 9111 of e-pos sou versoeke na info@sun.ac.za. Indien jy verkies om ‘n e-pos te stuur, onthou asseblief om die aansoeker se US-studentenommer in die onderwerplyn, #/ SU24-befondsingsnavraag, in te sluit om die span te help om doeltreffend te reageer.
Die aansoekproses is aanlyn en dit neem ongeveer 15 minute om die aansoek te voltooi.
Alle US-befondsingsaansoeke sluit om middernag op Saterdag, 30 September 2023.
Om aansoek te doen, klik hier
