Verlede jaar het Nick Smit, ‘n gegradueerde van die Universiteit Stellenbosch (US), en sy lewensmaat Francois Conradie besluit dis tyd om van hul voorregte in ‘n positiewe bankbalans vir verdienstelike studente te herbelê.
Al twee is werksaam by ‘n wêreldwye bank met die hoofkwartier in New York, en gevolglik het die egpaar in Junie 2022 die NY Nagraadse Beursfonds gestig.
Nick dien tans as ‘n trustee en tesourier van die Vriende van die Universiteit Stellenbosch-stigting, ‘n 501(c)‑entiteit wat in die VS geregistreer is.
“Ons het soveel geleenthede en bekendstelling geniet wat deur die uitstekende onderrig aan die Universiteit Stellenbosch aangebring is dat ons nie aan ‘n kosbaarder geskenk kon dink om aan iemand spesiaal te gee nie,” sê Nick Smit.
Staatsgesubsidieerde befondsing vir nagraadse studie is beperk tot navorsingsgrade, iets wat ‘n oorgrote meerderheid studente met aspirasies vir ‘n nagraadse kwalifikasies sonder toegang tot voldoende befondsingsbronne laat. Dit raak veral studente uit gesinne waar die gesamentlike huishoudelike inkomste per jaar tussen $0 tot $37 500 beloop.
Die groter behoefte om ‘n nagraadse graad te behaal en om ‘n lewensvatbare werk te verseker vereis groter finansiële steun wat nagraadse beurse betref. So ‘n geleentheid bied nie net ‘n reddingsboei uit armoede vir ‘n verdienstelike student nie, maar kom ook neer op die opheffing van ‘n uitgebreide gesin en ‘n gemeenskap.
Die Fonds ondersteun suksesvolle voorgraadse studente aan die US wat hul studie via ‘n honneurs‑ of meestersgraad aan die Universiteit wil voortsit. Hulle is studente uit gesinne waar die gesamentlike huishoudelike inkomste R600 000/$37 500 per jaar of minder is, en hulle kwalifiseer nie vir staatsbefondsing of lenings nie.
Hierdie Fonds benodig $9 650 om een student per jaar suksesvol te kan ondersteun. Ons nooi al ons Maties, nie net dié in New York of die driestate‑gebied nie, maar oor die hele VS heen, om mildelik by te dra en die volgende generasie Maties aan die US te ondersteun.
Jy kan die fonds ondersteun deur te skenk by
https://www.zeffy.com/en-US/fundraising/c97fe62a-70b8-4dbf-881b-67648f6698e2
